室內油漆工序完整指南｜底漆、面漆要幾多層

室內油漆工序一覽：八個步驟

一幅牆由舊牆變新牆，正規油漆工序大約分八步。前面四步係準備，後面四步先係真正上漆。

1. 保護遮蓋：用保護膜、紙皮遮好地板、訂造傢俬、窗框同開關掣；牆腳、天花邊貼美紋紙。
2. 鏟走鬆散舊漆：起皮、粉化、起泡位要鏟到堅實層，唔可以直接油上去。
3. 補牆：釘孔、凹洞、裂縫用補牆材料填平；裂縫要開槽處理。
4. 批灰：按牆身狀況批一至兩層或以上，令成幅牆平滑一致。
5. 砂磨及清塵：用砂紙磨平批灰，再用掃或吸塵機清走粉塵，否則會影響附著力。
6. 底漆：全牆上一層底漆，封閉批灰同補牆位，令吸收均勻。
7. 第一層面漆：乾後檢查有冇漏位同瑕疵，細位可以再補灰砂平。
8. 第二層面漆：最後一層，決定最終質感同顏色。

底漆同面漆：點解要一底兩面

底漆嘅作用

• 封閉：批灰同補牆位吸水性唔同，冇底漆嘅話面漆會一忽深一忽淺（俗稱「發花」）。
• 增加附著力：令面漆黐得實，減少日後起皮。
• 抗鹼：新批盪或新批灰牆帶鹼性，適合嘅底漆可以減少泛鹼、變色問題。
• 慳面漆：底層吸收穩定，面漆用量同效果都更好控制。

面漆點解要兩層

一層面漆通常未夠遮蓋，會見到補牆位、砂痕或者舊顏色；兩層先可以令顏色飽滿、漆膜夠厚，耐擦洗程度亦較好。以下情況可能要加層：

揀顏色嘅考慮可以參考 油漆顏色選擇懶人包。

每層要等幾耐？乾身時間同天氣影響

油漆有兩個時間概念：表乾（摸落唔黐手）同重塗間隔（可以上下一層嘅時間）。表乾唔等於可以上下一層，應以產品包裝或技術資料寫嘅重塗時間為準。

• 批灰：要完全乾透先砂磨，厚身批灰位需要更長時間。
• 底漆：按產品說明等足時間，未乾就上面漆會影響附著。
• 面漆之間：第一層面漆乾透先上第二層，太快疊上去容易起皺或者留刷痕。
• 完工後：漆膜要時間完全固化，初期避免大力抹擦或者貼膠紙。

香港天氣點影響

香港濕度高，回南天同雨季會明顯延長乾身時間。牆身未乾透就油漆，容易起泡、出霉點。施工期間可以關窗開抽濕機，並用濕度計檢查牆身。夏天高溫雖然乾得快，但太快乾亦可能留下駁口痕，大面積牆要一口氣油完一幅。

睇懂油漆報價：層數同用料點寫

油漆報價寫得清楚與否，直接影響你收到嘅係咪一底兩面。對照以下清單：

1. 範圍：牆身、天花、門框、窗台，邊啲包、邊啲唔包？
2. 底層處理：鏟舊漆範圍、補牆、批灰幾層、有冇包砂磨？
3. 層數：寫明「一底兩面」或者具體層數，天花同牆身可能唔同。
4. 用料：寫品牌同系列名，唔好只寫「乳膠漆」；顏色數目有冇限制？
5. 特別位置：廚廁用咩漆？有冇防霉要求？
6. 顏色數目：一屋多色、撞色牆、分界線，通常人工較多。
7. 保護同清潔：遮蓋同完工清潔有冇包？

兩張報價油漆價錢差好遠，好多時係差喺批灰層數同底漆。各工種點計價可以睇 裝修價錢分項懶人包。雋域設計報價會分項寫明每個空間嘅油漆層數同用料，業主可以逐項核對。

掃、碌、噴有咩分別

油漆驗收：燈光斜照逐項睇

油漆驗收最有效嘅工具係一支電筒或手機燈，貼住牆身斜照，好多瑕疵即刻現形。

• 平滑度：有冇批灰刀痕、砂痕、凹凸位。
• 顏色均勻：有冇一忽深一忽淺，補牆位係咪睇得出。
• 漏油同薄位：牆角、門框邊、插座面板後面係咪油到。
• 流漆同掃毛：有冇垂流痕、黐咗掃毛或塵粒。
• 收邊：天花同牆身分界線、牆同腳線交界是否整齊。
• 污染：地板、窗框、開關掣、訂造傢俬有冇漆點。

發現問題就用可撕貼紙標記，連同相片寫入執漏清單，執好後再覆檢。

常見問題